قیشیدی، قاری ننه اؤکوزون طویله دن چیخارتدی حیطه کی گؤلدن سو ایچسین، آما ایاقی بوزون اوستونده زوروشدی و ییخیلدی یئره...

ناله ائدرکن دئدی: آی بوز، سن نه گؤجلی سن!
بوز دئدی: گوجلی اولسئیدیم گون منی اریتمه زیدی..
قاری اوز گؤنده ردی گونه دئدی: آی گون، سن نه گوجلی سن!
گون دئدی: گوجلی اولسئیدیم بولوتلار قاباقیمی آلمازیدیلار..
قاری دئیدی: آی بولوتلار، سیز نه گوجلی سوز!
بولوتلار دئدیلر: بیز گوجلی اولسئیدیق یاغیش بیزده ن یاغمازیدی..
دئدی: آی یاغیش، سن نه گوجلی سن!
یاغیش دئدی: بیز گوجلی اولسئیدیق کی اوت بیزده ن گوگرمه زدی..
قاری دئدی آی اوت! سن نه گوجلیسن!
اوت دئدی: من گوجلی اولسئیدیم بیرینی فیرتیقلی قویونلار منی یئمه زیدیلر..
دئدی آی بیرینی فیرتیقلی قویونلار! سیز نه گوجلیسوز!
دئدیلر بیز گوجلی اولسئیدیق قصاب باشیمیزی کسه بیلمه زدی..
دئدی آی قصاب! سن نه گوجلی سن !
قصاب دئدی من گوجلی اولسئیدیم سیچانلار توکانیمی داغیدمازیدیلارً
دئدی آی سیچانلار! سیز نه گوجلیسوز!!
سیچانلار دئدیلر بیز گوجلی اولسئیدیق کی پیشیک بیزی توتمازدی...
دئدی آی پیشیک سن نه گوجلی سن!
پیشیک دئدی:

گوجلی ام آی گوجلی ام!
دمیر داراق دیشلیه م!

کورسی آلتی قیشلاقیمدی
یوک اوستی یایلاقیمدی

طاباقدا قارا فطیر
او دا منیم ناهاریمدی